علاج حب الشباب و حـــصريــا و ادعولي

بسم الله الرحمن الرحيم

انا الحمد لله كنت بعاني من مشكله حب الشباب من زمان اوي من و انا في اولي ثانوي و تانيتها معايا حتي بعد ما خلصت الكليه و الحمد لله خفت مره واحده بعد ما سمعت نصيحه من واحد عجووز اوي قالي ساعتها

:- ع فكره انت شكلك هايكون احلي من غير حب شباب
قولتله يا ريت ده انا جربت كل حاجه و متابع من دكتور
قالي بس سيبك من الي انت بتجربه ده و جرب الي هاقولك عليه دي وصفه قديمه من ايام امي الله يرحمها بيقولي انها كانت من الصين

المهم الوصفه اهيه

1- اغسل و جهك بميه دافيه مش اوي يعني بصابون مطهر زي صابون ديتول مثلا
وده عشان نطهر الوجه و نفتح المسام عشان تبقي جاهزه للعلاج

2- نجيب بياض بيضه و يا ريت لو تكون بلدي الي هيه صغيره يعني
بيااااض بس
و ده يا اما بانك تخرم البيضه بالسكينه مثلا و تحاول تنزل الباض لحد ما يخلص
او انك تسال الوالده و هيه هاتفيدك و قولها بيااااض بس

3- و نجيب نص ليمونه فريش طازه يعني و ده ليه فايدتين
الاولي هاتخلي الافرازات الدهنيه للبشره تقل و كمان هاتضيح ريحه البيض خالص خالص

و نحط المكونات دي في كوبايه و نفضل نقلب لحد ما المكونات تمتزج ببعض
و بعدين ندهن بيها الوش لمده اسبوعين كل يوم

و بصراحه الراجل قالي اغسل و شك بعدها بماء بااارد من الحنفيه

بس انا بحط الوصفه ديه ع وشي قبل ما بنام و سيبها لحد ما اصحي

و بجد و الله الوصفه ديه غيرت حياتي خالص من بعدها الحمد لله وشي بقي رايق والحبوب قلت خالص و الحمد لله



و اخير الوصفه ديه طبيعيه و ارجو تجربتها لانها لو منفعتش فهيه مش هاتضر
و ارجو ان كل واحد يجربها يقول رايه و ياريت كمان لو حد من الاطباء يقولنا ع فوايدها و اسالكم الدعاء بدوام الصحه و صلاح الحال لكل المسلمين و الهم صلي و سلم علي سيدنا محمد